"Арсенал" "Шимолий Лондон дербиси"да "Тоттенхэм"ни 3:1 ҳисобида мағлуб этди. Жамоасининг учта голидан бирига муаллифлик қилган Габриэль Жезус финал ҳуштаги янграганидан кейин фикр билдирди.
"Тўғриси, бу менинг дербидаги иккинчи голим. Биринчиси Бразилия терма жамоаси таркибида Аргентинага қарши ўйинда бўлди. Мен жуда хурсандман, ҳар бир ўйинда гол уришни истайман. Дастлабки дақиқалардан ўйнаганимиз истагимизни кўрсатди.
Биз ғалаба қозонишга ҳақли эдик. Қанча имкониятлар яратганимизни билмайман. Йигитлар, ходимлар, клуб туфайли ўзимни уйдагидек ҳис қиляпман. Мен жуда хурсандман, биз тўғри йўлдамиз” - деди Жезус BT Sport билан суҳбатда.
