Мадриднинг “Реал” клуби бош мураббийи Карло Анчелотти 2022 йилда Қатарда бўлиб ўтадиган жаҳон чемпионатида иштирок этадиган клуб футболчилари ҳақида ўз фикрлари билан ўртоқлашди.
“Жаҳон чемпионатида нима бўлишини билмаймиз. Турнирдан кейин таркибни қандай бошқариш ҳақида ўйлаш. Балки январь ойи ўрталаригача ЖЧдан келган футболчилардан фойдаланмаслигимиз мумкин, фақат клуб ихтиёрида қолганларни ўйнатамиз. Шунингдек, ЖЧга борадиган баъзи футболчилар майдонга тушмаслигини ҳам ҳисобга олишимиз керак. Буни тушунишимиз керак. Балки биз уларга мавсумолди каби бирор нарса берармиз", - деди Анчелотти.
Эслатиб ўтамиз, Жаҳон чемпионати 2022 йилнинг 20 ноябридан 18 декабригача Қатарда бўлиб ўтади.
