Бразилиянинг "Фламенго" клуби "Роналдиньонинг футболкасини ёқиб юбор" номли акцияни бошлаб юборди. Бунга сабаб 32 ёшли футболчининг шартномани бекор қилгандан кейин клубга етган модий зарар бўлмоқда.
Клубнинг расмий дўконларида Рональдиньо ўйнаган 10-рақамли футболканинг нархи 50 фоиз туширилган ҳолда сотилмоқда. Дўконларда осилган баннерларда мухлислар
футболкани сотиб олгандан кейин ёқиб ташлашларига ундалган ёзувларни ўқиш мумкин.
Қўшимча қиламиз, бир ой олдин мухлислар 10-рақамли футболкани қандай қилиб тўғри ёқиш ҳақида видео олган эдилар.
Эслатиб ўтамиз, Роналдиньо уч ой маош олмагани учун шартномани бекор қилган эди. Айни пайтда футболчи "Атлетико Минейро" клубида тўп сурмоқда.