"Ливерпуль" ва "Арсенал" "Норшелланд" ҳужумчиси Андреас Шельдерупга қизиқиш билдирмоқда, деб хабар беради Daily Mail.
Манба берган хабарга кўра, иккала инглиз клуби ҳам 18 ёшли норвегиялик футболчини 2023 йилнинг ёзида сотиб олиш имкониятини кўриб чиқмоқда. Футболчи уни “Манчестер Сити” ҳужумчиси Эрлинг Холанд билан солиштирган скаутларни ҳайратда қолдирди.
Шельдеруп "Буде-Глимт" тарбияланувчиси, у 2020 йил июль ойида "Норшелланд"га кўчиб ўтди. Норвегия чемпионатининг жорий мавсумида у 10 учрашувда 5 та гол урди ва 1 та голли узатмани амалга оширди.
Transfermarkt.com портали Шельдерупнинг нархини 4 миллион еврога баҳоламоқда.