Мадриднинг “Атлетико” клуби қишки трансфер ойнасида аргентиналик ярим ҳимоячи Родриго де Паулни сотишни режалаштирмоқда. Todofichajes.com сайти хабарига кўра, 28 ёшли футболчи ўзига билдирилган ишончни оқламади.
Футболчи учун 35 миллион евро таклиф қилишса, "Атлетико" уни бошқа клубга қўйиб юборишга тайёр. Де Пауль худди шу пул эвазига ўтган ёзда "Удинезе"дан Мадрид жамоасига ўтган эди. Родригонинг "Атлетико" билан шартномаси 2025/2026 йилги мавсум охиригача амал қилади.
Ла Лиганинг жорий мавсумида аргентиналик футболчи олтита ўйин ўтказиб, битта гол ва битта голли узатмани амалга оширди.
