"Интер" бош мураббийи Симоне Индзаги жароҳат олган Ромелу Лукакунинг аҳволи ҳақида гапирди.
"У "Сассуоло"га қарши ўйингача тузалиб кетишига умид бор, аммо ишончим комил эмас.
Кейинги тиббий кўрикдан сўнг у ҳали ҳам умумий гуруҳда машқ қила олмаслиги маълум бўлди" - деди Инзаги.
Лукаку сўнгги марта Италия чемпионатининг 3-турида "Лацио"га (1:3) қарши ўйинда майдонга тушган эди.
Эртаси куни машғулотда футболчи чап сонидаги мушакни тортиб олди.
4 октябрь, сешанба куни “Интер” Чемпионлар лигасида “Барселона” билан, 8 октябрь шанба куни эса “Сассуоло” билан ўйнайди.
Лукаку жорий мавсумда 1 та гол ва 1 та голли узатмага эга.
