Халқаро футбол федерацияси (ФИФА) президенти Жанни Инфантино Индонезиядаги стадионда юз берган фожиа ҳақида гапирди. Эслатиб ўтамиз, аренадаги тиқилинч пайтида 174 киши ҳалок бўлган эди.
"Футбол олами Индонезиядаги фожиали воқеалардан ҳайрон қолди. Бу футболни севадиган ҳар бир киши учун қора кун. Ҳалок бўлганларнинг оила аъзолари ва яқинларига чуқур ҳамдардлик билдирмоқчиман. Бизнинг барча фикрларимиз ва ибодатларимиз қурбонларнинг қариндошлари ва Индонезия халқи билан”, - деди Инфантино
Эслатиб ўтамиз, фожиа Индонезия чемпионатининг Маланг шаҳридаги “Канджурухан” стадионида бўлиб ўтган “Арема” – “Персебая” (2:3) учрашувидан кейин содир бўлди.
Финал ҳуштаги янграгач, мухлисларнинг нотинч хатти-ҳаракатлари тартибсизликка айланиб кетди. Мухлислар майдонга чиқиб кетишди – улар билан полиция ўртасида тўқнашув бўлди. Ғазабланган мухлислар хавфсизлик кучлари томон турли хил нарсаларни улоқтира бошладилар, полиция бунга жавобан таёқ ва кўздан ёш оқизувчи газни қўллашди. Ҳуқуқни муҳофаза қилиш усуллари оломонда ваҳима уйғотди. Мухлислар тарқала бошладилар ва кўплаб одамларнинг ўлимига сабаб бўлган тиқилинч яратишди.
