"Реал" бош мураббийи Карло Анчелотти ярим ҳимоячи Федерико Вальвердени Англия терма жамоасининг собиқ ярим ҳимоячиси Стивен Жеррард билан солиштирилганига муносабат билдирди.
"Вальверде Жеррардга ўхшайдими? Розиман. Бундай таққослаш жуда ёқимли. Федерикода бу даражага эришиш учун барча имкониятлар бор", - деди Анчелотти.
Олдинроқ уругвайлик ҳужумчи Луис Суарес Вальвердени "Ливерпуль"даги собиқ жамоадоши Стивен Жеррард билан солиштирганди.
Жорий мавсумда Вальверде "Реал" сафида 9 та ўйинда майдонга тушиб, 4 та гол урди ва 2 та голли узатмани амалга оширди. Сентябрь ойида 24 ёшли уругвайлик футболчи Ла Лиганинг энг яхши футболчиси деб топилганди.
