Испания Ла Лигасининг 7-туридан ўрин олган қатор учрашувлар 2 октябрь, якшанба куни бўлиб ўтди.

«Реал» ўз майдонида «Осасуна»ни қабул қилди. Биринчи бўлим якунланиши арафасида Винисиус Жуниор мадридликларни олдинга олиб чиқди. Иккинчи бўлим бошида Кике Гарсия мувозанатни тиклади.

78-дақиқада Давид Гарсия ўз жарима майдони ичида Карим Бенземага нисбатан қўполлик ишлатди. Видеотакрорлардан кейин ҳакам Давидга қизил карточка кўрсатди ва пенальти белгилади. Бироқ 11 метрлик жарима зарбасидан Бензема муваффақиятли фойдалана олмади.

Шу тариқа, «Реал» мавсумда илк бор очко йўқотди. Карло Анчелотти жамоаси 19 очко билан иккинчи ўринга тушиб кетди. «Барселона» (19) қўшимча кўрсаткичлар эвазига «қаймоқранглилар»ни ортда қолдирмоқда.

Ла лига, 7-тур
2 октябрь, якшанба
«Реал Мадрид» – «Осасуна» 1:1
Голлар: 1:0 – 42 Винисиус Жуниор, 1:1 – 50 Кике Гарсия.
Ноаниқ пенальти: Карим Бензема (78)
«Реал Мадрид»: Лунин, Карвахаль (Мариано Диас, 86), Алаба, Рюдигер, Менди (Милитао, 74), Кроос (Асенсио, 74), Себальос (Камавинга, 53), Тчуамени (Вальверде, 53), Бензема, Винисиус Жуниор, Родриго.
«Осасуна»: Эррера, Видаль (Аридане, 82), Унаи Гарсия, Давид Гарсия, Хуан Крус, Брашанац (Орос, 69), Торро, Монкайола (Санчес, 82), Мойсес Гомес, Кике Гарсия (Будимир, 82), Эз Абде (Пеня, 69).
Огоҳлантиришлар: Себальос (45), Эз Абде (47), Кике Гарсия (78).
Четлатиш: Давид Гарсия (78).