"Ювентус" бош мураббийи Массимилиано Аллегри Италия чемпионатининг 8-туридан ўрин олган "Болонья"га (3:0) қарши ўйин натижасини сарҳисоб қилди.
“Менга жамоанинг кайфияти ва ҳамжиҳатлиги ёқди, фақат биринчи бўлим охирида биз бир нечта хатоларга йўл қўйдик. Бундай вазиятларда тезликни пасайтириш ва тўпни кўпроқ ушлаб туриш керак эди. Биз бир ойдан кўпроқ вақт давомида ғалаба қозона олмадик, шунинг учун аниқ ва ишончли ғалаба қозониш керак эди. Энди Чемпионлар лигасидаги ўйинимизни тиклашимиз керак.
Биз бир ой давомида ғалаба қозона олмадик. Умид қиламизки, босқичма-босқич биз орадаги фарқни йўқотамиз. Ўтган мавсумда буни уддалагандик, яна қила оламиз", - дея Аллегри сўзларини келтиради DAZN.
