"Челси" бош мураббийи Грэм Поттер Чемпионлар лигаси гуруҳ босқичидан ўрин олган "Милан"га қарши ўйин олдидан жароҳат олган футболчилар ҳақида гапирди.
Учрашув эртага Лондонда бўлиб ўтади.
“Эдуард Менди жароҳатидан тўлиқ фориғ бўлди. У бир нечта машғулотларни ўтказди ва эртага ҳолати аниқ бўлади. Бу яхши янгилик, чунки бизга барча позицияларда рақобат керак.
Жоржиньо "Кристал Пэлас"га қарши ўйинда ўзини ноқулай ҳис қилди. У бугун машғулот ўтказди, аммо бу унинг "Милан"га қарши ўйинга тайёр бўлишига кафолат бермайди. Вазият Ҳавертц билан ҳам худди шундай", дейди Поттер.
