"Реал" бош мураббийи Карло Анчелотти ҳужумчи Карим Бензема Чемпионлар лигаси гуруҳ босқичи 3-тури доирасидаги "Шахтёр"га қарши ўйинни асосий таркибда бошлашини маълум қилди.

"Октябрь ҳар доим Испания чемпионатида ҳам, Чемпионлар лигасида ҳам муҳим ўйин даври ҳисобланади. Умид қиламизки, бизда кучли таркиб бор. Карим Бензема ҳозир яхши. У асосий таркибда бўлади. У ҳозир ажойиб жисмоний ҳолатда. Охирги ўйинларда ўйнамагани учун гол ура олмади. Лекин машғулотларда ўзини яхши кўрсатди. Кўрамиз, у ўзини одатдаги формада - ажойиб футболчи сифатида кўрсата оладими", - дея Анчелотти сўзларини келтиради УЕФА сайти.

Ҳужумчи 6 сентябрь куни Чемпионлар лигаси доирасидаги "Селтик"га қарши ўйинда (3:0) жароҳат олганди. 2 октябрь куни у "Осасуна"га қарши ўйинда (1:1) жароҳат олганидан кейин биринчи марта Ла Лигада ўйнади ва пенальтини аниқ амалга ошира олмади. 34 ёшли футболчи “Реал” сафида барча турнирлар доирасида 6 та ўйинда майдонга тушиб, 3 та гол урди ва 1 та голли узатмани амалга оширди.