“Барселона” раҳбарияти Чемпионлар лигасининг “Интер”га қарши ўйинидаги ҳакамлик устидан шикоят қилиш фикридан қайтди, деб хабар беради Sport.es.
Италияликларнинг 1:0 ҳисобидаги ғалабаси билан якунланган ўйиндан сўнг каталонияликлар УЕФАга шикоят юбориши хабар қилинганди.
"Барселона" раҳбарияти ҳам бош ҳакамнинг, ҳам ВАР тизими билан ишлаган ҳакамнинг қарорларидан норози бўлди. Аммо якунда каталонияликлар шикоят қилишдан бош тортишди.
Айтилишича, клуб ичидаги вазият муҳокама қилиниб, уларнинг позициясини бошқача тарзда етказишга қарор қилинган. Шу билан бирга, "Барселона" вазиятга қандай таъсир ўтказишни режалаштираётгани ҳақида ҳозирча хабар берилмаган.
Ўйин давомида бош ҳакам "Барселона"нинг голини ҳисобламади ва якунда миланликлар ҳимоячисининг қўлига тўп текканига қарамай, "Интер" дарвозасига пенальти белгиламади.
