"Арсенал" ва "Барселона" клубларининг собиф ўйинчиси Жованни Бронкхорст Голландия терма жамоаси янги бош мураббийи Луи ван Галнинг таклифини рад этди. Эслатиб ўтамиз, таклифга кўра, Бронкхорст терма жамоада Ван Галга ёрдамчи этиб тайинланиши мумкин эди.
"Фейенорд" клубида ишлаётган 37 ёшли мураббийнинг сўзларига кўра, у Роттердамни тарк этмоқчи эмас.
"Менга футбол федерациямиздан тушган таклиф ёқимли бўлди, аммо ҳозир мен ўзимни миллий терма жамоа билан боғламоқчи эмасман. "Фейенорд"ни тарк этгим келмаяпти. Балки, келажакда Голландия термаси билан ишлаш истаги пайдо бўлар", - дея Бронкхорстнинг сўзларини келтиради AD.nl.
Таъкидлаш жоиз, Ван Гал Бронкхорст ва Ван дер Сарларни терма жамоада ўзига ёрдамчи қилиб олмоқчи эканлигини хабар қилган эдик.
