Англия Премьер-лигасида яна бир мураббий истеъфоси юз бериши мумкин. The Telegraph нашрининг ёзишича, "Саутгемптон" раҳбарияти жамоа устози Ральф Хазенхюттлнинг ишидан норози.
"Авлиёлар" раҳбарияти мутахассисни АПЛ доирасида "Манчестер Сити" билан бўладиган учрашувдан сўнг ишдан бўшатишни режалаштирмоқда. Хазенхюттль шогирдлари мамлакатнинг амалдаги чемпиони билан қарама-қаршиликда ижобий натижага эриша олса, истеъфо кейинроққа қолдирилиши мумкин.
"Саутгемптон" Англия Премьер-лигасининг янги мавсумини муваффақиятсиз бошлади. Саккизта ўйиндан сўнг жамоа турнир жадвалида 16-ўринни эгаллаб турибди.
