"Интер Майами"нинг франциялик ярим ҳимоячиси Блез Матюидининг фикрича, "Реал" ҳужумчиси Карим Бензема бу йил "олтин тўп"ни қўлга киритишга лойиқ.
“У ажойиб мавсум ўтказди. Унинг карьераси ҳам ажойиб. Унинг фаолияти давомида эришган ютуқлари, хоҳ "Лион"да бўлсин, хоҳ "Реал Мадрид"да бўлсин, бу ажойиб. Агар Карим "олтин тўп"ни қўлга киритса, унда бунга муносиб бўлади. Умид қиламанки, Бензема жаҳон чемпионатида яхши ўйин кўрсата олади. Унинг учун бу адолатли мукофот бўлади", - деди Матюиди.
Август ойида Бензема 2022 йилги “олтин тўп” учун номзодлар рўйхатига кирди. 34 ёшли франциялик футболчи ўтган мавсумда “Реал Мадрид” билан Ла Лига ва Чемпионлар Лигасида ғолиб чиқди ва ҳар икки турнирда ҳам энг яхши тўпурарга айланди.
