"Вулверхэмптон" ҳужумчиси Диего Коста "Стэмфорд Бриж"га қайтиши ҳақида фикр билдирди.
34 ёшли испаниялик футболчи асосий таркибда майдонга тушиб, 57-дақиқагача ўйнади, шундан сўнг у алмаштирилди. Учрашув “Челси”нинг 3:0 ҳисобидаги ғалабаси билан якунланди.
"Челси" мухлислари билан ҳеч қачон муаммога дуч келмаганман. Мен «Челси»ни фақат Антонио Конте билан муносабатлардаги муаммолар туфайли тарк этдим.
У мен билан ҳисоблашмади ва менда клубни тарк этишдан бошқа илож қолмади. Бугун мен "Челси" мухлислари билан келишмовчиликларим йўқлигини кўрсатдим", - дейди Коста.
