Мадриднинг “Реал” клуби бош мураббийи Карло Анчелотти “Хетафе”га (1:0) қарши 8-тур ўйинини сарҳисоб қилди.

“Биз бошиданоқ ўйинни назорат қилдик. Очиғи, бизга эрта ҳисобда олдинга чиқиб олганимиз ёрдам берди, аммо натижани тўлиқ ҳал қила олмадик, интрига охиригача давом этди. Бизга пенальти беришмади, офсайд туфайли голни ҳисобга олишмади. Ҳимояда ишончли ўйнаб, вазифамизни бажардик: Милитао ва Рюдигер Тчуамени каби ажойиб ўйин ўтказди.

Сешанба куни Чемпионлар лигасида таркибда ким ўйнаши унчалик аниқ бўлмаса-да, "Барселона" билан ўйинда кимлар майдонга тушишини кўрамиз. Ҳали ўйлаш учун вақт бор", — деди Анчелотти.

Учрашувдаги ягона гол муаллифи ҳимоячи Эдер Милитао бўлди. У 34-дақиқада гол урди.