Madridning “Real” klubi bosh murabbiyi Karlo Anchelotti “Xetafe”ga (1:0) qarshi 8-tur o‘yinini sarhisob qildi.

“Biz boshidanoq o‘yinni nazorat qildik. Ochig‘i, bizga erta hisobda oldinga chiqib olganimiz yordam berdi, ammo natijani to‘liq hal qila olmadik, intriga oxirigacha davom etdi. Bizga penalti berishmadi, ofsayd tufayli golni hisobga olishmadi. Himoyada ishonchli o‘ynab, vazifamizni bajardik: Militao va Ryudiger Tchuameni kabi ajoyib o‘yin o‘tkazdi.

Seshanba kuni Chempionlar ligasida tarkibda kim o‘ynashi unchalik aniq bo‘lmasa-da, "Barselona" bilan o‘yinda kimlar maydonga tushishini ko‘ramiz. Hali o‘ylash uchun vaqt bor", — dedi Anchelotti.

Uchrashuvdagi yagona gol muallifi himoyachi Eder Militao bo‘ldi. U 34-daqiqada gol urdi.