«Манчестер Юнайтед» келаси қишда португалиялик ҳужумчи Криштиану Роналду билан 11 миллион евро эвазига хайрлашишга тайёр, дея хабар беради Daily Star.
Манбага кўра, 37 ёшли ҳужумчига асосий даъвогар "Интер Майами" бўлиб турибди. Аввалроқ, Америка клуби Роналдуга йилига 34 миллион евро тўлашга тайёрлиги ҳақида хабар берилганди.
Футболчининг “қизил иблислар” билан амалдаги шартномаси келаси йилнинг ёзигача ҳисобланишига қарамай, Роналду жуда яқин орада жамоани тарк этиш истагини бир неча бор билдирган. Transfermarkt портали Португалия терма жамоаси футболчисини 20 миллион еврога баҳоламоқда.