Таниқли футболчи Димитри Пайет Лига 1да 100 та гол ва ундан ортиқ ассистда иштирок этган ноёб футболчилардан бирига айланди. У жами 4 клубда ушбу натижани қайд этишга эришди. Яқин йиллар ичида фақат Мбаппе бу кўрсаткичларни такрорлаши мумкиндек туюлмоқда. “Марсель” – “Аяччо” (1:2) учрашувида Димитри Пайет ҳисобни очди – гол француз учун Франция чемпионатидаги юзинчиси бўлди. Димитри лига тарихида 100 та гол урган ва 100дан ортиқ голли узатмани амалга оширган биринчи футболчига айланди. Пайетга 213 натижани (100 гол 113 ассист) қайд этиш учун 4 клуб, 17 мавсум, 476 та учрашув ёки бўлмаса 34 000 дақиқа керак бўлди.

• 100 голгача у жами 378 та зарба берган (FbRef маълумотлари), улардан 16 таси пенальтилардан бўлган.

•‎ Пайет ички лигада 100 та гол урган ва шунча голли узатмани амалга оширган дунёнинг ўн биринчи футболчиси бўлди. Ундан аввалги футболчилар сизга маълум: Лионель Месси (Ла Лига), Франческо Тотти (А серия), Томас Мюллер (Бундеслига), Райан Гиггз (АПЛ), Душан Тадич (Эредивизия), Алекс де Соуза (Туркия Суперлигаси), Карим Бензема ( Ла Лига), Лэндон Донован (МЛС), Уэйн Руни (АПЛ) ва Фрэнк Лэмпард (АПЛ).

• Аммо Димитри, албатта, ўйинлар сони бўйича улар ичида қайд этилмаслиги мумкин. У Микаэль Ландродан 176 ўйинга ортда қолмоқда. Аммо бу мавсумда Пайет Лига 1нинг ўзидаги кучли ўнликка кириши аниқ. Клод Пюэль эса (480) бу борада етакчилик қилади.

• Францияда Пайетга етиб олиш қийин бўлади. Лигада ҳозир ўйнаётган футболчиларда 100 та гол уриш муаммо бўлмаслиги мумкин. Мбаппе, Ляказетт ва Йеддер), бироқ, ассистентлик борасида муаммолар бор. Энг яқин таъқибчи Жимми Брайант (61) эди, бироқ у сентябрь ойида нафақага чиққан.

• Мбаппе 52 та голли узатмага эга. Килиан ҳали ёш ва агар у Францияда қолса, осонликча голли узатмаларни амалга ошириши мумкин, аммо бу йил у жамоадошлари учун бирорта ҳам голли узатмани амалга ошира олмади.