"Челси"нинг 38 ёшли ҳимоячиси Тиаго Силва Лондон клуби билан янги шартнома имзолашга шошилмаяпти.
"Ҳозир янги шартнома ҳақида гапиришнинг вақти эмас. Мақсадим шундай юқори савияда ўйин кўрсатишда давом этиш ва жамоага натижаларга эришишда ёрдам бериш”, — деди Силва Чемпионлар лигаси доирасида “Милан”га қарши ўйин олдидан ўтказилган матбуот анжуманида.
Силва 2020-йилдан бери “Челси”да ўйнайди ва “Стемфорд Бриж”даги илк мавсумидаёқ Чемпионлар лигасида ғолиб чиқди. Аввалроқ футболчи 40 ёшга тўлгунга қадар профессионал даражада ўйнашни давом эттириш ниятида эканлигини маълум қилганди.
