"Ювентус" Чемпионлар лигасини жуда ёмон натижалар билан ўтказмоқда.
Бугун туринликлар гуруҳ босқичининг 4-турида “Маккаби”га имкониятни бой беришди – 0:2. Шу тариқа, “Юве” турнирдаги дастлабки 4 ўйиндан 3 тасида мағлуб бўлди.
Бунгача "бьянконерилар"лар "ПСЖ" (1:2) ва "Бенфика"дан (1:2) мағлуб бўлганди. Массимилиано Аллегри шогирдлари 3-турда “Маккаби” устидан ягона ғалабани қўлга киритди (3:1).
Жорий мавсумгача “Ювентус” Чемпионлар лигаси гуруҳ босқичининг 4 та туридан 3 тасида мағлуб бўлмаган эди.
Бугунги ўйиндан сўнг туринликлар 3 очко билан H гуруҳида 3-ўринда бормоқда.
"Ювентус" Чемпионлар лигасидаги навбатдаги ўйинни 25 октябрь куни ўтказади - Аллегри шогирдлари "Бенфика" билан учрашади.
