"Лацио" бош мураббийи Маурицио Сарри Сергей Милинкович-Савичнинг "Ювентус"га ўтиши мумкинлиги ҳақидаги маълумотларга муносабат билдирди.
“Ушбу маълумотлар атрофида жуда кўп шовқин бор. 4:0 ҳисобида ғалаба қозонганимизнинг эртасига газета футболчининг исмини трансфер ҳақидаги ҳикоянинг биринчи саҳифасига жойлаштирди. Бу орада италиялик велоспортчи Филиппо Ганна ақл бовар қилмайдиган рекорд ўрнатди, аммо у ҳақида кўпроқ маълумот олиш учун мен ихтисослашган сайтларда қидиришга тўғри келди. Бу Италия оммавий ахборот воситаларининг нуқтаи назари қанчалик нохолис эканлигини аниқ кўрсатиб турибди" - деди Сарри матбуот анжуманида.
