Бугун тунда “Интер” Европа Чемпионлар Лигаси 4-тури доирасида “Барселона”га қарши сафарда ўйнайди. Лаутаро Мартинес "нерадзуррилар" сафида яна майдонга тушиши мумкин, аммо аргентиналик ҳужумчи 30 августдан бери гол ура олмаяпти. Бу ҳақда "Интер" устози Симоне Индзаги фикр билдирди.
“Лаутаро жамоа учун яхши ишлайди. У қийин даврни бошидан ўтказмоқда, аммо ҳужумчида имкониятлар бўлмаганида хавотирланиши керак, Мартинес эса сўнгги ўйинларда бундай имкониятга эга эди. Мен ўйнаганимда голлардан кўра кўпроқ имкониятларни қўлдан бой беришдан хавотирланардим” - деди Индзаги Prime Video билан суҳбатда.
