Роберт Левандовски "Барселона" сафида 12 та ўйинда 14 та гол урган.

Каталония клуби ҳужумчиси Чемпионлар лигасининг 4-тури доирасидаги “Интер”га (3:3) қарши ўйинда дубль қайд этди.

Польшалик форвард ўйин давомида икки марта ҳисобни тенглаштирди: аввалига Левандовски 82-дақиқада ҳисобни 2:2 кўринишига келтирган бўлса, иккинчи бўлимга қўшиб берилган иккинчи дақиқада боши билан гол уриб, якуний ҳисобни ўрнатди – 3 :3.

Шу тариқа, ҳужумчи испан жамоаси сафида Ла Лиганинг 8 та учрашувида 9 та гол урди ва Чемпионлар лигасининг 4 та учрашувида ўз ҳисобига 5 та гол ёздириб қўйди.