"Челси" дарвозабони Кепа Аррисабалага Чемпионлар лигаси гуруҳ босқичи 4-тури доирасидаги "Милан" устидан қозонилган ғалаба (2:0) ҳақида ўз фикрларини билдириб ўтди.
“Биз жуда хурсандмиз. Биз учун муҳим ҳафта, Чемпионлар лигасида мавсумни энг яхши тарзда бошламаган эдик. "Милан"га қарши иккала ўйинда ҳам ғалаба қозонишимиз керак эди. Биз натижа учун курашдик, диққатимизни жамладик ва хотиржам бўлдик”, - дея Кепа сўзларини келтиради Blues сайти.
“Челси” “E” гуруҳи турнир жадвалида биринчи ўринга кўтарилиб олди. 25 октябрь куни клуб “Зальцбург”га қарши баҳс олиб боради.
