"Реал"нинг собиқ футболчиси Фернандо Морьентеснинг фикрича, клуб Килиан Мбаппе номзодига қайтмаслиги керак.
Баҳорда "ПСЖ" форварди "қаймоқранглилар" билан дастлабки келишувга қарамай, Мадридга ўтишдан бош тортди ва парижликлар билан шартномани узайтирди. Охирги кунларда ОАВда 23 ёшли франциялик футболчи раҳбарият билан келишмовчиликлар туфайли клубини ўзгартириш истаги борлиги ҳақида хабарлар тарқалган эди.
Морьентеснинг сўзларига кўра, "Реал" яна суперюлдузни таклиф қилишга уринмаслиги керак: "Мбаппе билан бўлаётган воқеа қандайдир ҳазил. Ҳеч қандай ҳолатда "Реал" у билан бошқа алоқага чиқмаслиги керак", - деди Морьентес COPE билан суҳбатда.
