Жума куни эрталаб "Наполи" ярим ҳимоячиси Андре-Франк Замбо-Ангисса тиббий кўрикдан ўтди. 26 ёшли камерунлик футболчига сон мушаклари билан боғлиқ муаммо ташхиси қўйилган. Наполиклар расмий сайтида айтилишича, Замбо-Ангисса аллақачон даволанишни бошлаган.
"Наполи" Замбо-Ангиссанинг тикланиш вақти борасида аниқ маълумотни бермаган. Италия матбуоти хабарига кўра, ярим ҳимоячи кейинги ҳафтада "Рома"га қарши ўйинда майдонга тушади.
"Наполи" айни дамда ажойиб формада. Лучано Спалетти шогирдлари А Серия турнир жадвалида пешқадамлик қилмоқда ва Чемпионлар Лигаси плей-офф босқичига йўлланмани қўлга киритди.
