"Реал" ярим ҳимоячиси Дани Себальос тез орада "Бетис"га ўтиши мумкин. Diario AS нашрининг хабарига кўра, Мануэль Пеллегрини жамоаси ярим ҳимоячини трансфер қилиш бўйича дастлабки қадамларни ташлаб бўлган.
Эслатиб ўтамиз, Себальоснинг "Реал" билан шартномаси келаси ёзда якунига етади. “Қаймоқранглилар” раҳбарияти футболчининг жамоани текинга тарк этишига аллақачон қарор қилган.
Себальос - "Бетис" тарбияланувчиси. Ярим ҳимоячи 2017 йилгача "яшил-оқлар" сафида тўп сурган, шундан сўнг уни "Реал" сотиб олганди.
2019 йилдан 2021 йилгача футболчи Лондоннинг “Арсенал” клубида ижара асосида ўйнаган.
