"Навбаҳор" клубининг молдовалик дарвозабони ўтган ҳафтада ўз юртига жўнаб кетди. У иккинчи даврада ҳам Ўзбекистонда фаолият олиб боради, бироқ "Навбаҳор"га қайтмайди. "Футбол Экспресс" газетаси мухбири футболчининг ўзидан бу вазиятга ойдинлик киритиш мақсадида кичик интервью олган.

"Пахтакор"га қарши кубок ўйинидан сўнг Молдовада дам оламан ва яна Ўзбекистонга қайтаман. Аммо "Навбаҳор"га қайтмайман. Боиси иккинчи даврада бошқа жамоа шарафини ҳимоя қиламан. Вазият шуни тақозо қилгани учун наманганликлар билан хайрлашишга қарор қилдим. "Навбаҳор"даги фаолиятим ёмон ўтгани йўқ. Бир ярим йил давомида жамоага қўлган келганча ёрдам беришга ҳаракат қилдим. Умуман олганда, бу клубдаги фаолиятимни ёддан чиқармайман".

"Мавсумнинг иккинчи ярмини қайси клубда ўтказишимни ҳозирча айта олмайман. Буни Молдовадан қайтиб келганимдан сўнг билиб оласизлар. Аниғи шуки иккинчи даврада ҳам Ўзбекистонда ўйнайман. Четдан бошқа таклифларни кўриб чиқмайман", дейди посбон.