Дортмунднинг “Боруссия” клуби ҳужумчиси Марко Ройс 16 октябрь куни бўлиб ўтадиган Бундеслиганинг 10-турида “Унион”га қарши ўйинда майдонга қайтиши мумкин.

Бу ҳақда жамоа бош мураббийи Эдин Терзич матбуот анжуманида маълум қилди.

"Баъзи футболчиларнинг иштироки шубҳали. Томас Меньеда бир неча ҳафтадан буён муаммо туғдираётган жарохати бор. Бироқ, тиббий текширув жиддий ҳеч нарса кўрсатмади. Умид қиламизки, у сафда қолади.

Энтони Модест ҳам сон қисмида ноқулайлик ҳис қилди ва унинг ошқозон-ичак тракти билан боғлиқ муаммолари бор.

Рафаэль Геррейрунинг оёғида жароҳат бор, у бироз шишган, аммо биз унинг майдонга тушишига ишончимиз комил.

Марко Ройс чоршанба кунги машғулотларнинг катта қисмини якунлади. Агар ишлар яхши давом этса, у яна ўйнашга тайёр бўлади" - деди Терзич.