Dortmundning “Borussiya” klubi hujumchisi Marko Roys 16 oktyabr kuni bo‘lib o‘tadigan Bundesliganing 10-turida “Union”ga qarshi o‘yinda maydonga qaytishi mumkin.
Bu haqda jamoa bosh murabbiyi Edin Terzich matbuot anjumanida ma’lum qildi.
"Ba’zi futbolchilarning ishtiroki shubhali. Tomas Menyeda bir necha haftadan buyon muammo tug‘dirayotgan jaroxati bor. Biroq, tibbiy tekshiruv jiddiy hech narsa ko‘rsatmadi. Umid qilamizki, u safda qoladi.
Entoni Modest ham son qismida noqulaylik his qildi va uning oshqozon-ichak trakti bilan bog‘liq muammolari bor.
Rafael Gerreyruning oyog‘ida jarohat bor, u biroz shishgan, ammo biz uning maydonga tushishiga ishonchimiz komil.
Marko Roys chorshanba kungi mashg‘ulotlarning katta qismini yakunladi. Agar ishlar yaxshi davom etsa, u yana o‘ynashga tayyor bo‘ladi" - dedi Terzich.
