Каталониянинг "Барселона" клуби президенти Жоан Лапорта Испания чемпионатининг 9-тури доирасида "Реал"га қарши бўлиб ўтадиган ўйин ҳақида гапирди.
“Бу ўйин жуда муҳим. Ғолиб доимо кучаяди, ғолиб жамоа жамоавий руҳни жиддий равишда оширади. Ва ютқазган жамоа жиддий маънавий зарбани бошдан кечиради. Агар ғалаба қозонсак, жадвалда пешқадам бўламиз, бу бизни янада кучли қилади.
Ўйлайманки, бизда энг яхши ўйин тизими мавжуд. Шу билан бирга, "Реал" ҳамиша охиригача курашади. Умид қиламанки, бўлажак "Эл Класико" биз учун яхши бўлади", - деди Лапорта Marca нашрига.
Ўйин 16 октябрь куни "Сантяго Бернабеу" стадионида бўлиб ўтади.
