"Арсенал" бош мураббийи Микель Артета украиналик ҳимоячи Александр Зинченконинг Премьер-лиганинг 11-турида "Лидс"га қарши ўйинда майдонга туша олиш-олмаслигини ҳали билмаслигини айтди.
“Зинченконинг иштироки шубҳалими? Менимча ҳа. У ҳали майдонга тушмаган. Шунинг учун биз бироз тинчланишимиз керак”, деди Артета.
25 ёшли украиналик футболчи жорий мавсумда “Арсенал” сафида 6 та ўйин ўтказиб, 1 та голли узатмани амалга оширди. У аллақачон жароҳат туфайли бир нечта ўйинларни ўтказиб юборган.
"Лидс" - "Арсенал" учрашуви 16 октябрь куни бўлиб ўтади.
