Мадриднинг “Атлетико” клуби бош мураббийи Диего Симеоне Ла Лиганинг 9-турида “Атлетик” устидан қозонилган ғалабадан кейинги фикрлари билан ўртоқлашди. “Матрасчилар” 1:0 ҳисобида зафар қучди, ягона гол франциялик Антуан Гризманн ҳисобига ёзилди.
“Охирги учрашувда биз ҳақиқий кучимизни кўрсатдик. Жамоа билан ишлаш мени илҳомлантиришда давом этмоқда. “Матрасчилар”га 11 йилдан бери мураббийлик қиламан ва футболчиларим Бильбаога қарши ўйинда кўрсатган футбол менга жуда ёқди”, — деди аргентиналик мутахассис Marca нашри билан суҳбатда.
Испания чемпионатининг тўққиз тури якунларига кўра, мадридликлар 19 очко жамғариб, турнир жадвалида учинчи ўринда бормоқда.