"Наполи" футболчиси Ирвинг Лосано Англия Премьер-лигасининг икки гиганти учун қизиқ.

Нуфузли манбалар хабар қилганидек, “қизил иблислар” мексикалик футболчини ёзда ҳам ўзига жалб қилишга уриниб кўрди ва энди клуб келишувга қайтишга тайёр.

SportMediaset хабарига кўра, "Манчестер Юнайтед" Лосанони Қатардаги жаҳон чемпионати якунланганидан сўнг дарҳол сотиб олишни режалаштирмоқда. 27 ёшли футболчига "Ливерпуль" ҳам қизиқиш билдирмоқда. "Наполи" футболчинин сотиш ҳақида ўйлаб кўришга тайёр, аммо бу масалани мавсум охирида ҳал қилишни афзал кўради.

Ирвинг Лосанонинг неаполликлар билан шартномаси 2024 йилгача мўлжалланган. Футболчи жорий мавсумдаги 11 учрашувда иккита гол урди ва битта голли узатмани амалга оширди.