Лондоннинг “Арсенал” клуби ҳимоячиси Вильям Салиба Европа футболи гигантларидан бирида ўйнаш имкониятига эга.
Goal.com портали хабарига кўра, 21 ёшли футболчига Франциянинг "ПСЖ" клуби қизиқиш билдирмоқда. Тахминларга кўра, томонлар аллақачон дастлабки музокараларни ўтказган.
Салибанинг "канонирлар" билан 2024 йилнинг ўрталарига қадар шартномаси мавжуд. Transfermarkt портали уни 40 миллион еврога баҳоламоқда.
Жорий мавсумда Вильям Англия Премьер-лигасининг тўққизта ўйинида қатнашиб, иккита гол урди, голли узатмани амалга оширди ва учта сариқ карточка олди.
