"ПСЖ" бош мураббийи Кристоф Галтье Лига 1'да "Марсел"га (1:0) қарши ўйинда жамоаси гол уриш имкониятларини қўлдан бой берганидан афсусда.
“Биз ўйинни яхши бошладик, бир нечта вазиятлар яратдик. Шундан сўнг рақиб бизга бироз қийинчилик туғдира бошлади, аммо бу осон бўлмаслигини билардик. Учрашувнинг умумий манзарасидан мамнунман, аммо битта гол урганимиз ачинарли. Ўйлайманки, биз ғалаба қозонишга ҳақли эдик", - деди парижликлар бош мураббийи.
Учрашувдаги ягона гол биринчи бўлим охирида Неймар томонидан киритилди.
“ПСЖ” Франция чемпионатида 11 турдан кейин 29 очко билан “Лорьян”дан 3 очко олдинда бормоқда.
