"Тоттенхэм"нинг жанубий кореялик ҳужумчиси Сон Хён Мин "Олтин тўп" учун овоз беришда 11-ўринни эгаллади. Бу Осиёдан келган футболчи учун энг яхши натижа, деб ёзмоқда Squawka нашри.
Сон ўтган мавсумда "Тоттенхэм" сафида барча турнирлар доирасида 45 та ўйинда майдонга тушиб, 24 та гол урди ва 8 та голли узатмани амалга оширди.
Эслатиб ўтамиз, France Football талқини бўйича йилнинг энг яхши футболчиси соврини - "Олтин тўп"ни топшириш маросими бугун, 17 октябрь куни Тошкент вақти билан соат 23:30да бошланади. Совринга асосий даъвогар "Реал" ҳужумчиси Карим Бензема бўлиб турибди.
