Бугундан бошлаб "Милан" базаси олдида жойлашган клуб атрибуткалари спорт дўконларида Иброҳимович фамилияси туширилган футболкалар 5 евродан сотилмоқда, дея хабар беради Tuttosport.
Бунинг сабаби яқин кунларда Иброҳимовичнинг "ПСЖ"га ўтиб кетиши бўлмоқда. Эслатиб ўтамиз, куни кеча ҳимоячи Тьяго Сильванинг 42 миллион евро эвазига Парижликлар сафига қўшилгани расман эълон қилинган эди.
Айни дамларда Иброҳимовичнинг агенти парижликлар билан футболчининг бўлғуси маоши тўғрисида музокара олиб бормоқда.
Ўтган мавсумда Иброҳимович "Милан" сафида 40 ўйин ўтказиб, 33 гол уришга эришган. 28 голи билан "А" сериянинг энг яхши тўпурари бўлган.
