Англия футбол ассоциацияси (ФА) "Ливерпуль" бош мураббийи Юрген Клоппга қарши айблов эълон қилди. Германиялик мутахассис номақбул хатти-ҳаракатларда айбланмоқда. “Қизиллар” устози жума кунигача жавоб бериши керак.
Айбловлар Юрген Клоппнинг "Манчестер Сити"га қарши ўйинда олган қизил карточкаси билан боғлиқ. Финал ҳуштаги янграшига оз вақт қолганида германиялик мураббий бош ҳакам Энтони Тэйлорнинг қарорига рози бўлмаган ва эмоционал тарзда шикоят қилди.
Эслатиб ўтамиз, "Ливерпуль" "Манчестер Сити"ни 1:0 ҳисобида мағлуб этганди. Энди "мерсисайдликлар" 19 октябрь куни бўлиб ўтадиган "Вест Хэм"га қарши ўйинга тайёргарлик кўришмоқда.
