Англия терма жамоаси бош мураббийи Гарет Саутгейт Кайл Уокерни Жаҳон чемпионатига боришига умид қилмоқда.
"Манчестер Сити"нинг ўнг қанот ҳимоячиси 2 октябрь куни "Манчестер Юнайтед"га қарши ўйинда жароҳат олган эди. Хабар қилинишича, 32 ёшли футболчи Қатардаги Жаҳон чемпионати олдидан тикланишга улгурмаслиги мумкин, бироқ вазиятни диққат билан кузатиб бораётган Гарет Саутгейт оптимист, дея хабар бермоқда Daily Mail. Ҳимоячи гуруҳ босқичининг биринчи даврасидаги ўйинида иштирок этиши даргумон, аммо у турнирнинг кейинги учрашувларида майдонга тушиши мумкин.
Кайл Уокер жорий мавсумда “Манчестер Сити” сафида 8 та ўйинда майдонга тушди.
