Италиялик афсонавий дарвозабон Жанлуижи Буффон Андре Онана ва Самир Ханданович ўртасидаги "Интер"даги рақобат ҳақида гапириб, айни дамда энг яхши учта дарвозабон номини ҳам айтиб ўтди.
"Таркибдаги ўрин учун рақобат ўзини асосий деб ҳисоблайдиган дарвозабон учун ортиқча бўлиши мумкин. Сўнгги бир неча йил давомида "Ювентус"да Шесни ва Нето билан, "ПСЖ"да Ареола билан ҳам худди шундай тажрибага эга бўлдим.
Мен бундан доим хурсанд бўлганман. Чунки мавсумнинг маълум бир даврида ўрнимни боса оладиган одам бор, деган фикр мени тинчлантирди.
Айни пайтда энг яхши учта дарвозабон? Куртуа, Доннарумма ва Облак/Нойер жуфтлигидан бири”, деди Буффон DAZN нашрига.
