"Манчестер Сити"нинг собиқ футболчиси Жолеон Лескотт "шаҳарликлар" ҳужумчиси Эрлинг Холандни "ПСЖ" ҳужумчиси Лионель Месси ва "Манчестер Юнайтед" ҳужумчиси Криштиану Роналду каби даражадаги футболчи сифатида кўришини айтди.
“Ўзим учраган энг кучли ҳужумчи бу Луи Саа ва мен Месси ҳамда Роналдуга қарши ўйнаганман. Эрлинг Холанд ҳам худди шу тоифадаги футболчиларга тегишли.
У бутун фаолияти давомида муваффақиятли ўйинчи бўлиб қолади, лекин у тарихдаги энг буюк футболчига айланади дейишга бироз эрта деб ўйлайман. Ишонаманки, агар у бажараётган ишини қилишда давом этса, Эрлинг ўша даражага чиқа олади", - деди собиқ ҳимоячи.
Жорий мавсумда Холанд АПЛнинг 10 ўйинида 15 та гол урди ва 3 та голли узатмани амалга оширди.
