Суперлига 22-туридан ўрин олган “Бунёдкор” – АГМК (0:1) ўйинидан сўнг меҳмон жамоа бош мураббийи Миржалол Қосимов жамоанинг мавсумдаги мақсади, Муҳаммаданас Ҳасанов ҳамда ротация ҳақида гапирди.

“Бугун “Бунёдкор”га имконият қолдирмадик ва муҳим уч очкони қўлга киритдик. Мақсадимиз Осиё Чемпионлар Лигасига йўлланма берувчи ўринни қўлга киритиш. Олдимизда тўртта ўйин бор”, - дейди Қосимов.

“Футболда рақобатсиз ўсиш мумкин эмас. Ҳозирда Муҳаммаданас машғулотларда ҳам яхши ҳаракат қилмоқда. Унга эътирозим йўқ. Вақт кўрсатади”
“Ҳуршид Ғиёсовнинг доимо асосий таркибда ўйнашига келсак, у тўп билан яхши муомала қилади ва жамоадошлари билан ўзаро бир-бирларини яхши тушуниб ҳаракат қилади. Аммо, унга ҳам, бошқаларга ҳам жамоамда асосий таркибдан жой кафолатланмаган”