"Милан" раҳбарияти Рафаэль Леау билан шартномани узайтириш бўйича музокараларни бошлади.
Сешанба куни клуб вакиллари футболчининг агентлари билан йиғилиш ўтказишди. Учрашув бир соатдан ортиқ давом этди, тез орада клуб вакиллари ва футболчининг агентлари яна учрашади.
Музокаралар узоқ ва қийин кечиши кутилмоқда, футболчининг талаблари анча юқори. Португалияликнинг амалдаги шартномаси 2024 йилгача мўлжалланган.
Аввалроқ, 23 ёшли футболчининг хизматларига "Челси" қизиқиш билдираётгани, "Милан" эса бу трансфер учун камида 100 миллион евро олмоқчилиги ҳақида хабар берилганди.
Жорий мавсумда А Сериянинг 9 та учрашувида Леау 4 та гол урди ва 4 та голли узатмани амалга оширди.
