"Milan" rahbariyati Rafael Leau bilan shartnomani uzaytirish bo‘yicha muzokaralarni boshladi.
Seshanba kuni klub vakillari futbolchining agentlari bilan yig‘ilish o‘tkazishdi. Uchrashuv bir soatdan ortiq davom etdi, tez orada klub vakillari va futbolchining agentlari yana uchrashadi.
Muzokaralar uzoq va qiyin kechishi kutilmoqda, futbolchining talablari ancha yuqori. Portugaliyalikning amaldagi shartnomasi 2024 yilgacha mo‘ljallangan.
Avvalroq, 23 yoshli futbolchining xizmatlariga "Chelsi" qiziqish bildirayotgani, "Milan" esa bu transfer uchun kamida 100 million yevro olmoqchiligi haqida xabar berilgandi.
Joriy mavsumda A Seriyaning 9 ta uchrashuvida Leau 4 ta gol urdi va 4 ta golli uzatmani amalga oshirdi.
