"Валенсия" спорт директори Мигел Анхел Корона клуб ҳимоячи Муктар Диакаби билан янги шартнома борасида музокаралар олиб бораётганини тасдиқлади. Франциялик футболчининг “кўршапалаклар” билан амалдаги шартномаси мавсум охирида якунига етади.
“Биз ҳозирда Диакаби билан шартномани узайтириш борасида музокара олиб бормоқдамиз. Гайе мисолида бўлгани каби келишувга эришиш учун бироз вақт керак бўлади. Диакаби жамоада жуда бахтли. Бу жуда муҳим ва асосий омил” - деди клуб спорт директори.
Диакаби жорий мавсум лигада 10 та ўйинда майдонга тушиб, 2 та гол урди.
