"Valensiya" sport direktori Migel Anxel Korona klub himoyachi Muktar Diakabi bilan yangi shartnoma borasida muzokaralar olib borayotganini tasdiqladi. Fransiyalik futbolchining “ko‘rshapalaklar” bilan amaldagi shartnomasi mavsum oxirida yakuniga yetadi.
“Biz hozirda Diakabi bilan shartnomani uzaytirish borasida muzokara olib bormoqdamiz. Gaye misolida bo‘lgani kabi kelishuvga erishish uchun biroz vaqt kerak bo‘ladi. Diakabi jamoada juda baxtli. Bu juda muhim va asosiy omil” - dedi klub sport direktori.
Diakabi joriy mavsum ligada 10 ta o‘yinda maydonga tushib, 2 ta gol urdi.
